ШӨХТГ-аас Нийслэл хотод үйл ажиллагаагаа явлуудаг супермаркетын
сүлжээ дэлгүүрүүдэд хяналт шалгалт хийсэн байна. Шалгалтыг “Миний”,
Сансар, Номин, Эффис гэсэн супермаркет дэлгүүрүүдэд хийснээс
“Сонгинохангай” ХХК-ийн супермаркет, сүлжээ дэлгүүрээс доорх зөрчилүүд
илэрсэн байна. Нийслэл хотод нийт 16 салбар дэлгүүртэй юм байна.
ШӨХТГ-аас Нийслэлд үйл ажиллагаагаа явуулдаг супермаркетуудад хяналт шалгалт хийсэн байна. Шалгалтыг “Миний”, "Сансар", "Номин", cупермаркет дэлгүүрт хийснээс “Сонгинохангай” ХХК-ийн "Миний" сүлжээ дэлгүүрээс хэд хэдэн зөрчил илэрсэн байна. Тиймээс тус дэлгүүрийн гурван салбарыг долоо хоногийн хугацаатай хааж, нэг сарын хөдөлмөрийн хөлсний доод хэмжээг 40 дахин нэмэгдүүлсэнтэй тэнцэх хэмжээний төгрөгөөр торгожээ.Миний сүлжээ дэлгүүрээс илэрсэн зөрчлүүд
• Шошгожилтод тавих шаардлага хангаагүй
• Гарал үүслийн бичиггүй
• Хадгалах хугацаа дууссан
• Битүүмжлэл алдагдсан бүтээгдэхүүн худалдаалсан
• Хэрэглэгчдэд зориулсан хяналтын жингийн баталгаажуулалтын хугацаа дууссан
• Хяналтын жин байхгүй
• Барилга байгууламж, галын аюулгүй ажиллагаа, технологи, ариун цэвэр, эрүүл ахуйн үндсэн шаардлага хангаагүй
• Барааг худалдаалахад бэлтгэх туслах өрөө, зориулалтын талбай бүхий агуулах нь шаардлага хангахгүй
• Чийглэг, температурын автомат тохируулга бүхий агааржуулалтын систем ажиллахгүй байжээ.
Мөн тус дэлгүүрийн нэг салбарын 20 нэр төрлийн 38 ширхэг бараа бүтээгдэхүүнийг түүвэрчлэн шалгаж үзэхэд шошгод тавигдах шаардлага хангаагүй импортын шүүс, гүзээлзгэнэ, варень, хүүхдийн жигнэмэг, зөгийн бал, вандуй илэрсэн бол гарал үүслийн болон шинжилгээний бичиггүй буюу мэргэжлийн хяналтын улсын байцаагчийн дүгнэлтгүй монгол бантан, сахар, бор элсэн чихэр, хатаасан халуун чинжүү зэрэг бүтээгдэхүүн байжээ. Мөн хугацаа нь дууссан үхэр, гахайн мах мөн битүүмжлэл алдагдсан алаг салт, ногооны холимог худалдаж байсан нь илэрсэн байна.
Ихэнх сүлжээ дэлгүүрүүдэд нийтлэг илэрсэн зөрчил бол агааржуулалтын асуудал байжээ. Үүнд тухай бүрт нь сануулга өгөөд торгуулийн арга хэмжээ авсан байна.
Хаагдсан салбарууд нь Жуковын “Норжин” худалдааны төв дотор, Дамбадаржаа, Од кино театрын хажуу талд байрладаг аж. Сануулга өгсөн долоо хоногийн хугацаанд тус дэлгүүрүүд нь зөрчлөө арилгах юм бол буцаад хэвийн ажиллах боломжтой гэнэ. "Сонгинохангай" ХХК нь нийслэл хотод нийт 16 салбар дэлгүүртэй юм байна.
Т.Хулан
Сэтгэгдэл (11)