Байгаль орчин ногоон хөгжлийн яамнаас Агаарын бохирдлыг бууруулахад хувь нэмрээ оруулж буй аж ахуйн нэгж, албан байгууллагуудыг урамшуулахаар боллоо. Энэ урамшуулалд хамрагдах байгууллагуудад “Цэвэр агаар сан”-гаас нэг тэрбум төгрөг олгохоор төлөвлөжээ. Урамшууллыг агаарын бохирдлыг бууруулах, дулаан алдагдлыг багасгах, цахилгаан эрчим хүч хэнмэх бүтээгдэхүүн үйлдвэрлэдэг, энэ чиглэлийн бүтээгдэхүүн борлуулдаг аж ахуйн нэгжүүдэд олгох аж. Энэ урамшуулал нь Улаанбаатар хотын агаарын бохирдлыг бууруулах чиглэлээр иргэн, аж ахуйн нэгжээс гарах шинэ санаачлалагыг дэмжих зорилготой юм.

     Байгууллагууд өөрсдийн мэдээллээ “Цэвэр агаар сан”-д хүргүүлэх бөгөөд хавар, намрын улиралд тус бүр нэг нэг удаа урамшуулах юм банйа. Одоогоор нэг албан байгууллагад тэдэн төгрөг өгнө гэсэн тухайлсан хэмжээ байхгүй байна. Байгаль орчин, ногоон хөгжлийн яам болон “Цэвэр агаар сан”-гаас гаргасан  зөвлөл ямар байгууллагад хэдэн төгрөг олгохыг тогтоох гэнэ. Бүртгэл энэ сарын 27-ноос дөрөвдүгээр сарын 26-ны өдөр хүртэл үргэлжлэх юм байна.

Урамшуулал олгох хэлбэрүүд:
- Бараа бүтээгдэхүүн, үйлчилгээний төрөлд “Ногоон бүтээгдэхүүн”, “Ногоон үйлчилгээ” гэрчилгээ олгож шошгожуулах,
- Олон нийтэд хэвлэл мэдээллийн хэрэгслээр сурталчлахад шаардагдах зардлыг гаргах,
- Гадаад, дотоодод хөрөнгө оруулалтын зориулалтаар зээл, тусламж авахад нь журмын дагуу дэмжлэг үзүүлэх,
- Бизнесийн үйл ажиллагааг дэмжих мөнгөн урамшуулал олгох юм. Дэлгэрэнгүй мэдээллийг “Цэвэр агаар сан”-гийн сaf.mn сайтаас авч болно.