Улаанбаатарт төвтэй Дэлхийн Монгол гарал үүсэлтнүүдийн төв, Холбооны ардчилсан бүгд найрамдах Балбын “Жинхэнэ монголчуудын бүгд найрамдах форум” байгууллага чуулган зохион байгуулахаар болжээ.
   Монгол Улс болон Энэтхэг, Балба, Хазара, Мъянмарын монголчуудын энэхүү анхдугаар чуулган ирэх сарын 5-нд Балбад  болно.
    Уг хуралд Монгол Улсаас Дэлхийн Монгол гарал үүсэлтнүүдийн төвийн дарга, доктор О.Нямдаваа тэргүүтэй төлөөлөгчид оролцох бол Энэтхэгийн парламентын гурван гишүүн, Афганистан, Мъянмарын төлөөлөгчид, Балбын 12 аймгийн төлөөлөл оролцох юм байна.
    Хуралдаанаар Монгол соёл, зан заншил, ахуй, дэлхийн монголчуудын дунд хадгалагдсан ижил төстэй монгол үг хэллэг, түүхийн талаар хэлэлцэх аж. Мөн дэлхийн монголчуудад хандсан уриалга гаргахаар төлөвлөжээ.