УИХ-ын гишүүд байгаль хамгаалах асуудалд хэрхэн анхаарал хандуулж, хууль тогтоох болон хянан шалгах бүрэн эрхээ яаж хэрэгжүүлж байгаад Монголын байгаль хамгаалах иргэний хөдөлгөөнүүдийн эвслээс нэгэн судалгаа явуулсанаа өчигдөр танилцууллаа.
    УИХ-ын гишүүд байгаль хамгаалах асуудалд хэрхэн анхаарал хандуулж, хууль тогтоох болон хянан шалгах бүрэн эрхээ яаж хэрэгжүүлж байгаад Монголын байгаль хамгаалах иргэний хөдөлгөөнүүдийн эвслээс нэгэн судалгаа явуулсанаа өчигдөр танилцууллаа.

    Тэд мэдээллийнхээ эхэнд өнгөрөгч УИХ дахь байгальд ээлтэй, ээлгүй гишүүдийн нэрлэсэн юм. Ингэхэд УИХ-ын гишүүн асан Ц.Сэдванчиг 51, Л.Батсуурь 46 болон УИХ-ын гишүүн  Г.Баярсайхан 45 оноогоор "Байгальд хамгийн ээлтэй гишүүн"-ээр шалгарсан байна. 

    Харин тухайн үеийн Ерөнхий сайд Сү.Батболд, УИХ-ын гишүүн Д.Тэрбишдагва, С.Оюун нар  таван оноогоор  "Байгальд хамгийн халтай гишүүн"-ээр тодорсон байна.

    Түүнчлэн тус эвсэлийнхэн 2006 оноос эхлэн хэрэгжүүлж буй "Ногоон од" хөтөлбөрийнхөө хүрээнд УИХ-ын ээлжит чуулганаар батлагдан гарч буй хууль тогтоомжид анализ хийжээ. Үүнд, 2008-2012 оны УИХ ээлжит  чуулганаар нийтдээ байгальд ээлтэй долоон хууль санаачилж, 59 хууль баталж, байгаль орчны асуудлаар зургаан удаа асуулга, найман удаа асуулт тавьж, байгаль орчны хуулийн хэрэгжилтийг гурван удаа шалгасан гэсэн мэдээ гарсан байна. 

    Тэд 2012-2016 оны УИХ буюу өнөөгийн УИХ-ын байгаль орчины асуудалд хэрхэн анхаарлаа хандуулж ажилласан талаарх судалгааг ч мөн тэдний бүрэн эрхийн хугацаа дуусахад мэдээлнэ гэдгээ хэллээ.