Монголын Үндэсний Худалдаа Аж Үйлдвэрийн Танхим ОХУ-тай хамтран ажиллах ажил хэргийн зөвлөлийн ерөнхийлөгчөөр УИХ-ын гишүүн, УИХ дахь Ардчилсан намын бүлгийн дарга Д.Эрдэнэбатыг томилсон билээ. Эл зөвлөл нь ОХУ-тай хамтран бизнесийн чиглэлээр үйл ажиллагаа явуулах сонирхол бүхий компани, хувь хүмүүсийн сайн дурын, санаачилгын байгууллага юм байна.

Худалдаа, эдийн засгийн Шинжлэх ухаан техникийн хамтын ажиллагааны Монгол-Оросын Засгийн газрын Комиссын хуралдааны протоколыг үндэслэн МҮХАҮТ-ын дэргэд “ОХУ-тай хамтран ажиллах ажил хэргийн зөвлөл”-ийг өнгөрсөн 2010 оны арваннэгдүгээр сарын 1-нд байгуулж байжээ.