Уул уурхайн яам, Эдийн засгийн хөгжлийн яам, Нийслэлийн Засаг даргын хамтарсан захирамжаар байгуулагдсан Ажлын хэсэг өнгөрсөн сард Налайхын нүүрсний уурхайд шалгалт хийсэн билээ. Шалгалт өнгөрсөн сарын 22-нд дуусч, 180 орчим нүүрсний амыг хааж битүүмжилжээ. Шалгалтын дүнг Уул уурхайн сайдын зөвлөлийн хурлаар хэлэлцэж, Засгийн газрын хурлаар хэлэлцүүлэх юм байна. Харамсалтай нь хаагдаж, лацадсан ам руу хоёр ч хүн зөвшөөрөлгүй орж, амь насаа алджээ. Шалгалтын явцад нэг хүн нас барсан бол өчигдөр мөн л нэг хүн лацадсан уурхай руу зөвшөөрөлгүй орж, шаварт дарагдаж амиа алдсан харамсалтай хэрэг гарчээ.