"Лантуу дохио" гэх хүний наймааны эсрэг дуу хоолойгоо хүргэдэг залуучуудын бүлгэмээс хүчирхийлэл, хүний наймааны эсрэг гэрэл зургийн уралдаан зарлажээ.  Заавал мэргэжлийн зурагчин байх албагүй, бухимдлаа илэрхийлж, нийгмийг сэрээж, бугшиж нуугдсан бүхнийг ил гаргах гэсэн хэн бүхэн энэхүү уралдаанд оролцож болох аж.

Уралдаанд бүтээлээ илгээсэн хүн бүр хүний наймааны эсрэг хийж буй монгол залуусын тэмцэлд өөрийн хувь нэмрээ оруулж, хамтдаа дуу хоолой болж байгаа хэрэг гэнэ..
Энэхүү уралдааныг ерөнхий спонсороор  "Proline" гэрэл зургийн студи ажиллаж байна.

Тавигдах шаардлага:
- Хүний наймаа, хүчирхийллийн эсрэг байна.
- Хүчирхийлэлд уриалаагүй байх.
- Бүтээлч сэтгэлгээ, санаа ил тод тусгасан байна.
- 18-аас дээш насныхан оролцоно.
- Гэрэл зурагт модель оролцсон бол моделиос заавал зөвшөөрөл авсан байна.
- Гэрэл зургийн чанарт тавих ямар нэг шаардлага байхгүй (сонирхогч болон мэргэжлийн аппаратаар авсан гэрэл зураг байж болно)
- Гэрэл зураг нь тус бүр 10MB-аас ихгүй хэмжээтэй байх
- Гэрэл зураг бүр оноосон нэртэй байна.
- Гэрэл зурагт ямар нэгэн эффэкт ашиглаж болно.
- Зохиогчийн эрхийг зөрчөөгүй байх.
- Ирсэн бүтээл нь Лантуун дохио бүлгэмийн өмч болж, нийгмийн сайн сайханы үйлс хэрэгт зориулагдана.
• Зураг хүлээж авах:
- Хүлээн авах хугацаа  энэ сарын 12-ныг хүртэл
- Хүлээж авах хаяг lantuundohio@gmail.com хүлээн авна.
- Оролцогч бүр 3 хүртэлх зураг илгээх боломжтой.
- Оролцогч нь өөрийн овог, нэр, и-мэйл хаяг, утасны дугаараа зургийн хамт заавал илгээнэ.
- Лантуун дохио гэж хаягласан байх.

• Шагналын сан:
- Шилдэг 1 бүтээлийн эзнийг "SAMSUNG GALAXY S3" гар утас

• Уралдааны шалгаруулалт:
Уралдааны зургийг энэ сарын 19- нд шилдэг 50 бүтээлийн үзэсгэлэн дээр шалгаруулна.