Монголд гоо сайхны мэс заслын хагалгааны иж бүрэн тоног төхөөрөмжийг оруулж ирсэн NEI эмнэлэгт Солонгосын профессор, доктор Хан Хо Мэн эмч ажиллахаар уригдан иржээ. Тэрээр гоо сайхны талаар хүмүүст зөвлөгөө өгч, гоо сайхны мэс засал хийж эхэлжээ. Энэ тухай түүнтэй цөөн хором ярилцлаа.

    Монголд гоо сайхны мэс заслын хагалгааны иж бүрэн тоног төхөөрөмжийг оруулж ирсэн NEI эмнэлэгт Солонгосын профессор, доктор Хан Хо Мэн эмч ажиллахаар уригдан иржээ. Тэрээр гоо сайхны талаар хүмүүст зөвлөгөө өгч, гоо сайхны мэс засал хийж эхэлжээ. Энэ тухай түүнтэй цөөн хором ярилцлаа.

    -Таны тухай яриагаа эхлэх үү. Монголд хэр удах вэ?

    -Би гоо сайхны нөхөн сэргээх мэс заслын эмч мэргэжилтэй. Олон жил гоо сайхны мэс засал, нөхөн сэргээх чиглэлээр их дээд сургуулиудад багшилж, эрдэм шинжилгээний ажил хийсэн. Түүнчлэн  олон хүмүүст гоо сайхны зөвлөгөө өгч, мэс ажилбарыг амжилттай хийж ирлээ. Энэ чиглэлээр доктор, профессорын зэрэг  хамгаалсан. Солонгосын гоо сайхны тэмцээнүүдэд шүүгчээр ажиллаж байлаа. Өнгөрсөн онд NEI эмнэлгийн урилгаар энд ажиллахаар ирээд байна. Солонгосоос  орчин үеийн  мэс заслын тоног төхөөрөмж авчиран суурилуулсан. Одоогоор 30 хүнд мэс ажилбар хийж, 100 гаруй хүнд зөвлөгөө өгөөд байна.

    -Монголчуудад мэс ажилбар хийхэд хэр хүндрэл гарч байна вэ?

    -Монголчуудын хувьд хүйтэн сэрүүн уур амьсгалтай учраас нэлээн арчилгаа шаардана. Тиймээс  гоо сайхны талаар сургалт явуулахаар төлөвлөөд байна. Солонгос  чийглэг уур амьсгалтай учраас  Солонгос бүсгүйчүүдийн арьс чийглэг зөөлөн байдаг. Харин Монгол эрс тэс уур амьсгалтай болохоор хүмүүсийн арьс нь ширүүн талдаа. Мэс ажилбар хийхийн өмнө тариа хийхэд зарим хүмүүст цочрол өгч байсан. Үүнээс өөр хүндрэлтэй зүйл гараагүй.

    -Хүмүүс ихэвчлэн ямар мэс засал хийлгэхээр хандаж байна?

    -Хамраа өндөрсгөх, уруулаа засуулах хагалгааг ихэвчлэн хийлгэж байна. Гоо сайхны мэс ажилбарын гол онцлог бол хувь хүний нууцыг хадгалах юм. Үйлчлүүлэгч маань ямар шалтгаанаар, яагаад гоо сайхны мэс ажилбарт орох болсноо эмчдээ хэлэх шаардлагагүй. Тиймээс хувь хүний нууцыг хамгийн дээдээр хангадаг мэс засал.

    -Зарим хүмүүсийн гоо сайхны хагалгаандаа сэтгэл хангалуун бус байдаг. Тийм хүмүүсийн  мэс ажилбарыг засах боломж бий юу?

    -Өмнө  нь буруу аргаар хийсэн мэс ажилбарыг засах боломжтой.

    - Ингэхэд та гоо сайхны мэс ажилбарыг ямар үнээр хийж байгаа вэ?

    -Манай эмнэлгийн хувьд заавал Солонгост очиж мэс ажилбар хийлгэх шаардлагагүйгээрээ  онцлогтой. Монголд  гоо сайхны мэс ажилбар хийлгэхэд 30-50 хувийн хямд үнээр  хийлгэх боломжтой.

     -Мэс ажилбар хийлгэж буй хүмүүс юуг анхаарах ёстой вэ?

    -Зөвхөн гадна талаасаа сайхан харагдахын тулд мэс ажилбар хийлгэвэл утгагүй. Хүний гоо сайхан бол дотроосоо ч гэрэлтэх ёстой. Санаа зовох зүйлгүй тайван амгалан байж  гоо сайхандаа мэс ажилбар  хийлгэвэл илүү үр дүн гарна. Өөрөөр хэлбэл тухайн үйлчлүүлэгч тайван амгалан, сэтгэл санаа нь  тогтвортой байх тусам хийсэн мэс ажилбар  үр дүнтэй болно гэсэн үг.