Улс орнуудын эрүүл мэндийн байдлын чансааг жил болгон гаргадаг бөгөөд 2012 оны байдлаар монголчууд 145 орноос 92-д оржээ. Энэ нь бид эрүүл мэндийнхээ үзүүлэлтээр Беларусь, Орос, Мадагаскар, Пакистан, Ирактай зуузай холбож явна гэсэн үг.

Судлаачид дундаж наслалт, хүүхдийн нас баралтын төвшин, архи тамхины хэрэглээ, биеийн тамирын идэвхи, орчны бохирдол зэрэг үзүүлэлтийг гол болгон уг чансааг гаргажээ. Дэлхийн хамгийн эрүүл улсуудаар Сингапур, Итали, Австрали шалгарсан байна.