Үндэсний соёл амралтын хүрээлэн буюу хүухдийн парк ирэх сарын сүүлчээс 15-20 мянган төгрөгийн такстай болох гэнэ. Одоогийн байдлаар паркийн үүдээр орохдоо хүн бүр 1000 төгрөг төлөөд, тоглоомын тасалбарыг тусад нь худалдаж авдаг. Харин таксын үнэ өөрчлөгдсөнөөр том хүн 20 мянга, хүүхэд 15 мянган төгрөг төлж ҮСАХ-д ороод бүтэн өдрийн турш бүх тоглоомоор хязгааргүй тоглох эрхтэй болох юм. Гадаадын ихэнх парк яг ийм жишгээр ажилладаг ба парк дотор зөвхөн тоглоом тоглуулах бус, циркийн үзүүлбэр, урлагийн тоглолт үзүүлдэг юм билээ. Одоо манай паркийн нэг тоглоом дунджаар 5000 төгрөгийн үнэтэй. Тэгэхээр шинэ үнэ мөрдөгдөж эхэлбэл, 34 тоглоомоор тоглох үнээр хязгааргүй тоглох эрх нээгдэнэ. Хязгааргүй үйлчлүүлэх эрхэд гадаа байрладаг 15 тоглоом болон дотор танхимд байгаа цахилгаан тоглоомууд ч хамаарах юм.