Хэвлэлийн эрх чөлөөний өдрийг тохиолдуулан Хэвлэлийн хүрээлэнгээс ХБНГУ-ын Фридрих Эбертийн Сан, ЮНЕСКО-гийн Үндэсний комисс, Монголын сэтгүүлчдийн эвлэл, “Хөдөлмөр” сонинтой хамтран “Хэвлэлийн эрх чөлөө ба сэтгүүлчдийн хөдөлмөрлөх эрх” сэдэвт нээлттэй хэлэлцүүлгийг зохион байгуулж байгаа. Өнөөдөр  болох уг хэлэлцүүлэг 14:00 цагаас Монголын Үйлдвэрчний эвлэлийн соёлын төв ордонд болно. Хэлэлцүүлэгт хэвлэл мэдээллийн салбарын 300 төлөөлөгч оролцох бөгөөд сэтгүүлчдийн цалин хөлс, ажлын нөхцөл нь хэвлэл мэдээллийн итгэл үнэмшил. Хэвлэлийн эрх чөлөөнд хэрхэн нөлөөлж буй, өнөөгийн нөхцлийг өөрчлөхөд шаардлагатай алхамууд, өөрчилснөөр хүрч болох үр дүнгийн талаар мэдээлэл сонсож, санал, бодлоо солилцох аж.