Хэвлэлийн баатар болоод буй Тарбозавр Баатар үлэг гүрвэлийн араг ясыг буцааж авахад туслалцаа үзүүлсэн америкчуудыг Ерөнхийлөгч Ц.Элбэгдорж өчигдөр төрийн одонгоор шагналаа.  Шагнал гардуулах ёслол  АНУ-ын Нью Йорк хотын "One united nations plaza" ордонд болсон бөгөөд шагналыг Ерөнхийлөгчийн тамгын газрын дарга П.Цагаан, ССАЖ-ын сайд Ц.Оюунгэрэл нар  гардуулсан юм.

Мөн  АНУ-ын шүүхэд хандсан өмгөөлөгч, Паентэр Лав фирм-ийн хуульч Роберт Пэйнтэр,  Батаарыг Монголынх гэдгийг хамгийн түрүүнд хуулийн байгууллагад баталсан Альбертагийн их сургуулийн профессор, палеонтологич Филипп Ж.Кюри, АНУ-ын Нью Йорк мужийн прокурор Преет Барара нар төрийн дээд шагнал “Алтангадас” одонгоор шагнуулсан байна. Түүнчлэн АНУ-ын Байгалийн түүхийн үндэсний музейн захирал Марк Норелл, хуульч Тоня Пэйнтер нарын арван хүнийг “Найрамдал” медалиар энгэрийг нь мялаажээ.