Шударга өрсөлдөөн, хэрэглэгчийн төлөө газраас өнгөрсөн сарын сүүлчээр мэдээлэл хийхдээ нефть бүтээгдэхүүний энэ сард хямдрах боломжтой гэж байсан. Тэгвэл Газрын тосны газраас өгч буй мэдээллээр манай улс БНХАУ, БНСУ, Белорусь улсаас нефть бүтээгдэхүүн худалдан авах гэрээ байгуулан ажиллаж байгаа аж. Тийм учраас энэ сард багтаад нефть бүтээгдэхүүний жижиглэнгийн үнэ буурах боломжтой болж байгаа гэнэ. Гэхдээ нэгэн зэрэг бүх компани шатахууныхаа үнийг бууруулахгүй. Эхний ээлжинд аль компани хэдэн төгрөгөөр хямдруулах вэ гэдгийг тухай бүрт нь Газрын тосны газраас нийтэд мэдээлэх юм байна.