Сүүлийн үед УИХ-ын залуу гишүүд бага гэлтгүй нийгмийн сайн дурын арга хэмжээнүүдийг өрнүүлэх болсон. Хамгийн сүүлд л гэхэд УИХ-ын гишүүн Н.Номтойбаяр өвчтэй байгаа Ариунсайхан, Танан нарт туслах хандивын арга хэмжээг өрнүүлж байгаа. Түүнийг нь дэмжиж УИХ-ын гишүүн С.Бямбацогт нэг сарынхаа цалинг хандивлалаа. Өмнө ч тэрээр эмчлүүлэх шаардлагатай хүүхдүүдэд санхүүгийн тусламж үзүүлж байсан юм. Мөн өөрийн тэргүүлдэг сангийнхаа шугамаар эрүүл мэндийн тоног төхөөрөмжийг үнэ төлбөргүйгээр аймаг, орон нутгуудад хүлээлгэж өгдөг сайн дурын ажлыг эрчимтэй явуулж эхэлжээ.