Баянзүрх дүүргийн нутаг дэвсгэрт орших Дандарын гудамж буюу Цайз захын уулзвараас Офицеруудын ордны тойрог хүртэлх замыг хааж, засварын ажил хийж байгаа билээ. Тэгвэл өнөөдрөөс мөн Замын Цагдаагийн газрын уулзвараас Гадаад харилцааны яамны баруун урд уулзвар хүртэл 1.1 км авто замыг хааж хучилтын ажил хийхээр болжээ. Энэ ажил 10 хоног үргэлжилж тавдугаар сарын 19-ны өдөр дуусах төлөвлөгөөтэй байна.