Жил бүр “Эврика” эрдэм шинжилгээний бага хурлыг зохион байгуулдаг. Энэ жилийнхийг УИХ-ын дарга З.Энхболдын ивээл дор зохион байгуулсан. Тиймээс өчигдөр орой УИХ-ын дарга З.Энхболд энэхүү эрдэм шинжилгээний хуралд амжилт гаргасан эрдэмтэн, залуучуудыг “Их тэнгэрт” урьж оройн зоог барьсан байна. Тэрээр “Шинжлэх ухаанаа дэмждэггүй улс хөгждөггүй” гэсэн үг хэлж цаашид энэ салбарт анхаарч ажиллахаа илэрхийллээ. Уг бодлогын дагуу төрөөс шинжлэх ухааны салбарт зарцуулагдах төсөв энэ жилээс эхлэн нэмэгдэж байгаа юм.