Сүхбаатар дүүргийн нутаг дэвсгэр буюу Их тойруу, Дарь-Эхээс Зуун айл явах чиглэлийн Сэлбийн хос гүүрний арын гүүрийг энэ сарын 08-ны 23.00 цагаас эхлэн хаагаад байна. Ирэх долдугаар сарын 10-ны 23.00 цаг хүртэл урд талын гүүрээр жолооч нар сөрөг хөдөлгөөнд оролцох аж. Мөн Баянзүрх дүүрэг, “Нарантуул” захын баруун урд төмөр замын гармын сөхөгддөг хаалтад суулт өгсөн тул тус захын баруун урд уулзвараас “Дүнжингарав” худалдааны төвийн уулзвар хүртэлх авто замыг өнөөдөр 22.00 цагаас эхлэн маргааш өглөөний  07.00 цагийн хооронд түр хугацаагаар хаахаар болжээ.