БНСУ-ын Их хурлын гишүүдийн "Мод тарьдаг хүмүүс" бүлгэмийнхэн өнөөдөр Монголд айлчлах юм байна. Тэд энэ сарын 13-ныг хүртэл манай улсад байрлана.  "Мод тарьдаг хүмүүс" Солонгос, Зүүн Хойд Азийн цөлжилттэй тэмцэх болон ойн нөхөн сэргээлтийн ажилд тусалдаг аж. Тэд Төв аймгийн Лүн суманд хэрэгжиж байгаа Монгол-Солонгосын "Ногоон хэрэм" төсөлтэй танилцахаас гадна мод тарих юм байна. Монгол-Солонгосын хамтарсан "Ногоон хэрэм" төсөл 9.5 сая ам.долларын санхүүжилттэй бөгөөд 2016 онд дуусах аж. Төслийн хүрээнд 1190 га газрыг ойжуулсан бөгөөд цаашид 2000 га гаруй газар ойжуулахаар төлөвлөжээ.