Монголын Үндэсний агаарын тээвэрлэгч
МИАТ компанийн шинэ Боинг 767-300ER агаарын хөлөг энэ сарын 13-нд Чингис
хаан олон улсын нисэх буудалд бууж, МИАТ компани өөрийн өмчлөлийн анхны
орчин үеийн агаарын хөлгөө хүлээн авах гэж байна.
МИАТ компани 2011 оны зургадугаар сард АНУ-ын “Боинг” компаниас гурван ширхэг агаарын хөлөг худалдан авах гэрээ байгуулж хагас зуун жилийн түүхэндээ анх удаа өөрийн Боинг онгоцтой болох том алхмыг хийсэн билээ. Хамгийн түрүүнд хүлээн авах гэж буй Боинг 767-300ER агаарын хөлөг нь нийт 220 суудалтайгаас 25 нь бизнес ангиллын, 195 нь энгийн ангиллынх юм.
Боинг компани шинэ агаарын хөлгийн нисэх
баг, инженер техникийн ажилтнуудыг сургасан бөгөөд манай улсын анхны
Боинг онгоцыг МИАТ компанийн нисгэгчид АНУ-аас жолоодон ирэх юм. Ингээд шинэ Боинг 767-300 ER агаарын хөлгөө ирэх даваа гарагт буюу энэ сарын 13-нд хүлээн авахаар албаны баг Сиэтлийг зорин замдаа гарч байна. Үүнд Зам тээврийн төрийн нарийн бичгийн дарга тэргүүтэй хүмүүс онгоцоо хүлээн авахаар явлаа.
Д.Ундрах /24tsag.mn/
Сэтгэгдэл (1)