ХӨСҮТ-өөс ХДХВ /ДОХ/ болон бэлгийн замаар дамжих халдвараас урьдчилан сэргийлэх үндэсний стратеги төлөвлөлтийн хэрэгжилтийн асуудлаар хэвлэлийн хурал хийлээ. Энэхүү үндэсний стратеги төлөвлөгөөг олон улсын байгуулагатай хамтран долоо хоногийн хугацаанд хийсэн байна. Тус үнэлгээний ажилд төрийн бус байгууллагууд олноор оролцсон бөгөөд гадаадын долоон зөвлөх, үндэсний багийн төлөөлөл оролцсон аж. Сүүлийн үед ХДХВ /ДОХ/-ын эрс халдвар нэмэгдэж байгаа бөгөөд эрчүүдээс илүү илэрч байгаа талаар ярилаа. ХДХВ-ийн тархалт нийт хүн амын дунд бага гарсан байна. Мөн хүн амд чигэлсэн урьдчилан сэргийлэх үйл ажиллагаа явуулах нь чухал болоод байна гэв.
Өнгөрсөн 10 жилийн хугацаанд тус өвчний гадны донрын санхүүжилт нилээн сайн байсан. Харин энэ жилээс манай улс дунд орлоготой улс ороны түвшинд шилжиж байгаа учраас гадны донорууд багасч байгаа гэж судалгааны ажилтнууд хэллээ.
