Улсын хэмжээнд 2013 оны эхний дөрвөн сард 25 мянга 559 эх амаржжээ. Энэ нь өмнөх оны мөн үеийнхээс 1664 эх буюу долоон хувиар нэмэгдсэн байна. Харин амьд төрсөн хүүхдийн тоо 25 мянга 685 болж, 1671 хүүхэд буюу мөн долоон хувиар өсчээ. Улсын хэмжээнд энэ оны эхний дөрвөн сарын байдлаар нэг хүртэлх насандаа 399 хүүхэд эндэж, өмнөх оны мөн үеийнхээс 14 хүүхэд буюу 3.6 хувь, 1-5 хүртэлх насны 87 хүүхэд эндэж, өмнөх оны мөн үеийнхээс арван хүүхэд буюу 13 хувиар тус тус өссөн байна. Түүнээс гадна бүртгэлтэй ажилгүй иргэдийн тоо 37.6 мянга болж, өмнөх оны мөн үеийнхээс 16.3 мянган хүн буюу 30.3 хувиар буурсан аж.