НИТХ-ын ээлжит хуралдаанаар  “80 бага сургуулийн байршил тогтоох” тухай асуудлыг хэлэлцэн баталсан.  Дэлхийн ихэнхи оронд ахлах, дунд, бага ангийнхан тус тусдаа сургуульд суралцдаг жишиг бий. Үүний адил олон улсын стандартын дагуу бага сургуультай болох ажил ийн эхэллээ. Хамгийн чухал нь боловсролын үйлчилгээг иргэдэд, сурагчдад ойртуулж тэдний аюулгүй байдлыг хангасан сургуулиудийг барихаар төлөвлөсөн байна. Энэ нь шинэ суурьшлын төвөөс 500 метрийн   радиус дотор 240 000 хүүхэд суралцах нөхцлийг бүрдүүлэх аж. Дүүрэг бүрээр нь ангилбал,  Баянгол дүүрэгт 1500 хүүхдийн 5, Чингэлтэй дүүрэгт 2400 хүүхдийн 8, Сүхбаатар дүүрэгт 2700 хүүхдийн 9, Хан-Уул дүүрэгт 3000 хүүхдийн 10, Сонгинохайрхан дүүрэгт 7200 хүүхдийн 24, Баянзүрх дүүрэгт 7200 хүүхдийн 24 сургууль баригдана. Хүүхдүүд сургуульдаа явах гэж олон буудал газар дамжин явж, эцэг эхчүүд ч хүүхдээ хүргэж өгөх гэж цаг хугацаа алддаг. Нөгөөтэйгүүр ахлах, дунд ангийнхантайгаа олон ээлжээр хичээллэх нь бага ангийн сурагчдад муу үлгэр, дууриал болохоос гадна тоосжилт, бохирдолд эрүүл мэнд нь аажмаар хохирч байгаа гэх судалгаа бий. Гэр, ажилд нь ойрхон  зориулалтын бага сургууль баригдахаар эцэг эх, багш нарын хоорондын харилцаа сайжирч, хүүхдийн сурлагад ч эерэгээр нөлөөлнө гээд бүх асуудал шийдэгдэнэ гэж бид үзэж байгаа юм.

Эхний ээлжинд нийслэлийн 19  хороодыг бага сургуультай болгох юм байна. Мөн олон ээлжээр хичээллэж, ачааллаа дийлэхээ байсан сургуулиудын ачааллыг багасгах, гэр хорооллын дахин төлөвлөлтөд тусгагдсан төлөвлөгөөт сургуулиудыг  барихаар төлөвлөжээ. Хамгийн гол нь сургууль барих шаардлага их ч газрын асуудал хүнд байгаа юм байна.  Өнөөдрийн байдлаар 80 бага сургуулийн 21-ийг нь барих газрын асуудлыг шийдсэн гэнэ.