Таван настай бяцхан хүүг аав нь хазаж, заазуурдсан талаарх хэрэг өнгөрсөн амралтын өдрүүдэд гарсан билээ. Хүүг үзэхээр очсон дуудлагын эмч энэ талаар олон нийтийн сүлжээгээр дамжуулан нийтэд мэдээлсэн нь нийгмийг цочиролд оруулаад байгаа. Тэгвэл “Лантуун дохио” бүлгэмийн  залуус аавдаа зодуулсан хүүг хариуцан ажиллаж байгаа аж.  Тэдэнтэй Хүчирхийллийн эсрэг үндэсний төвийн хүүхдийн сэтгэл зүйч цуг ажиллаж байгаа бөгөөд тус төвөөс өмгөөлөгч томилогдон хүүгийн хэрэг дээр ажиллаж эхэлсэн байна. Хүүгийн биеийн байдал одоогоор сайн байгаа гэнэ. Түүнчлэн  “Хамтын халуун сэтгэл” залуусын нэгдлийнхэн хүүхдийн ар гэрт туслах эд барааны тусламжийг хүлээж авч байгаа аж. Хэрвээ хүүд тусламж өгөхийг хүсвэл  99811629 гэсэн дугаартай н.Уянга гэдэг хүнтэй холбогдоно уу.