Цагаан халат өмссөн "чимээгүй алуурчдаас" болж, хичнээн өвчтөн насан туршдаа хохирч үлдэж байгааг бид мэдэхгүй. Тэдний нэг болсон М.Ариунтунгалаг охин монгол түмнээ тусламж хүсч байна.Дорноговь аймгийн нэгдсэн эмнэлэгт Б.Отгонбаяр эмч 2008 оны тавдугаар сарын 8-нд М.Ариунтунгалаг охинд олгойн хагалгаа хийжээ. Гэтэл хагалгаанаас хойш охины бие муудаж, эмнэлэгт эргэн хандсан байна. Эмч Б.Отгонбаяр өвчтөнөө дахин үзээд  хэвлийн шугамаар хийх гожуурга тавих мэс заслыг боолт хийдэг зориулалтын бус өрөөнд хийжээ. Түүнээс хойш охины бие бага, багаар муудсаар 2010 оноос эхлэн хүчтэй муудаж, өнөөдөр хэвтэрт орсон байна. Ийн хариулцлагагүй эмчийн балгаас болж охин өдгөө таван удаа хагалгаанд орж, сэтгэл зүйн хувьд ихэд өөрчлөгдөж хүнтэй юм ярих дургүй, харанхуй өрөөнд ганцаараа байх дуртай болж, үс нь бууралтан унаж, нүд нь үе, үе юм харахаа больж, толгой нь байнга хүчтэй өвддөг болсон гэнэ. Одоогоор Солонгосын Хьюнда эмнэлэгт охины хагалгааг хийлгэж болох ч эмчилгээний зардалд 40 сая төгрөг шаардлагтай гэсэн хариу ирсэн аж. Тиймээс охины ар гэр элэг нэгт Монголчуудаасаа тусламж гуйж байна. Мөн охины хандивт зориулсан урлагийнханы тоглолт болох юм байна. Хандивын тоглолт ирэх сарын 3-нд Улаанбаатар паласт болох бөгөөд тоглолтод поп дива Наран, гавьяат жүжигчин Энхзул, дуучин Идэржавхлан, Г.Эрдэнэтунгалаг, Маралжингоо болон "Хурд" зэрэг хамтлаг дуучид ая дуугаа өргөх юм.
Хандивын данс:

Хаан банк: 5360289175

Хас банк: 5000845173