Хэдхэн сарын өмнө Төгстөгөлдөр хүүгийн биеэр нь  яр шарх тархсан байдалтай байхад нь хүүхдийн сувилал асаргааны эмнэлэгт "Лантуун дохио" бүлгэмээс шилжүүлсэн билээ. Тэр үед зөвхөн өнгөн талыг нь эмчлээд буцаахад олон давхар суурь өвчтэй, сульдаатай их хэцүү байсан. Харин  хоёр сарын турш хүүхдэд шаардлагатай бүх л тэжээл, эм тариа, эмчилгээг хийлгэн өнөөдөр цоо эрүүл цовоо сэргэлэн хүү болсон билээ. Тэгвэл Төгстөгөлдөр хүүг сувилсан эмнэлэгт эцэгтээ заазуурдуулсан таван настай хүүгийн хоёр настай охин дүүг нь хэвтүүлэхээр болжээ. "Хүүхдэд шаардлагатай бүх эмчилгээг хийлгэх болно, хөөрхөн болоод гарч ирнэ гэдэгт нь итгэлтэй байна. Энэ охин дахиж хэцүү амьдралыг үзэхгүй, тийм эрхгүй" хэмээн "Лантуун дохио" бүлгэмийн тэргүүн Ч.Ганжавхлан өөрийн фэйсбүүк хуудсандаа бичжээ.