Дорнод аймгийн “Петро Чайна”-аас гаргаж авсан түүхий эдийг Өвөрмонголд нийлүүлж, эргүүлээд шинэ стандартын шатахуун оруулж ирэхээр болсон билээ. Тэгэхдээ сар бүр Монголоос Хятадын “China oil” компанид 10 мянган тонн түүхий газрын тос нийлүүлж, оронд нь  тонн тутамд 100-150 доллараар хямд үнэтэй шатахуун нийлүүлэхээр Засгийн газар хоорондын санамж бичиг байгуулсан. Тэгвэл өнөөдрөөс эл ажил биелэлээ олж Монголчууд бусад ижил төрлийн шатахуунаас 200 төгрөгөөр хямд шатахуун хэрэглэх боломжтой болж байна.

Эхний ээлжинд орж ирж байгаа 10 мянган тонн шатахууны найман тонныг Замын-Үүдийн боомтоор, үлдсэн хоёр мянгыг баруун зүүн бүсийн хилийн боомтоор оруулж ирж байгаа талаар эх сурвалж мэдээллээ. “Евро 3” стандартын уг бүтээгдэхүүнийг Монголын газрын тосноос гарган авч, Монголдоо зарж байгаа анхны шатахуун учраас “Мон- 93” гэж нэрлэж байгаа аж. “Мон-93” шатахууны түгээлтийн нээлтийн үйл ажиллагаа Зүүн дөрвөн замын уулзвар дээр байрлах Петровис компанийн ШТС дээр өнөөдөр 13.30 цагаас болох юм. Нээлтийн ёслолын үйл ажиллагаанд Ерөнхий сайд Н.Алтанхуяг болон Засгийн газрын гишүүд, УИХ-ын төлөөлөл оролцох юм. “Петро Чайна”-аас жилд 4000 орчим’ тонн газрын тосны бүтээгдэхүүнийг гадныханд нийлүүлэх боломжтой гэж салбарын яамныхан тооцоолсон байна.