Боинг 767-300ER” агаарын хөлгийн баруун, зүүн талд Монгол Улсын төрийн далбаа бий. Гэтэл онгоцны баруун хэсэгт төрийн далбааны соёмбыг буруу байрлуулсныг ажигч нэгэн нь анзаарч бусдад дэлгэснээр фэйсбүүк, твиттер. олон нийтийн мэдээллийн хэрэгслээр баахан шуугиан тарьсан. Тэгвэл МИАТ-ынхан энэ мэдээллийн талаар фэйсбүүк, твиттер хуудсандаа тайлбар хийжээ. Тэд “Олон улсын агаарын тээврийн салбарт төрийн далбааг онгоцонд энэ мэтээр байрлуулах нь бий. Учир нь, онгоц салхи сөрж нисдэг тул төрийн далбаа салхины чигээр хойшоо намирдаг хэмээх утгаар ийн байрлуулдаг” хэмээн тайлбарласан байна.
Гэвч МИАТ-ын хуучин онгоцуудынх нь далбаа дээрх зураг дээр байгаачлан зөв байрласан байдаг билээ. Ямартаа ч тэд өөрсдийгөө зөвтгөх аргаа хайж байна уу, эсвэл тэдний хэлснээр онгоц салхи сөрж нисдэг учир Монголын төрийн далбааг ийн байрлуулсан уу?. Олон түмэн одоо ч эргэлзсээр байгаа юм.
Д.Ундрах /24tsag.mn/
Сэтгэгдэл (14)