Хотын төвд байрлах Чойжин ламын музейг засах ажил өнгөрсөн оны 10-р сард эхэлсэн. Гэсэн ч засвар хийж байгаа хүмүүсийн хариуцлагагүй байдлаас болж музейн засварыг зогсоосон байна. Түүх агуулсан энэ музейг нурааж, ихэнх хэсгийг шинээр хийж эхэлсэн нь түүхчдийн ундууцлыг хүргэжээ. Мөн хуучин зураг, хээг далдалж огт өөр өнгө төрхтэй болгож байгааг иргэд шүүмжилж байна. Энэ асуудлыг ССАЖ-ын яам анхаарч засварын ажлыг зогсоох шийдвэр гаргажээ. Тиймээс түүхчид болон мэргэжлийн хүмүүс дахин хуралдаж олон жилийн түүхтэй Чойжин ламын музейг хэрхэн хэвээр нь хадгалан сэргээн засах талаар хэлэлцэж байж засварын ажлыг үргэлжлүүлэхээр болсон байна.