Хөвсгөл аймагт, амбаарт хоригдож байсан хүү өнөөдөр Улаанбаатар хотод ээжтэйгээ ирэхээр болжээ.
Хөвсгөл аймгийн Мөрөн сумын нутагт 16 настай хүү гурван жилийн турш модон амбаарт хоригдож байсан хэрэг гарсан. Уг хэрэг тус сумын багш Д холбогдсон бөгөөд тэрээр төрсөн  ахыгаа 2009 онд өөд болоход нь түүний хүүг асрамжлан үлдсэн байна. Гэхдээ ахынхаа хүүг маш хэрцгийгээр буюу тамлан зовоодог байсан нь мөрдлөгийн явцад тогтоогдоод байгаа юм.

Тиймээс аймгийн цагдаагийн байгууллага Д-д эрүүгийг хэрэг үүсгэн шалгаж эхлээд байна. Мөн хүүг цагдаагийн хамгаалалтад авсан байсан бөгөөд Улаанбаатараас ээжийг нь дуудан ирүүлж, асрамжинд нь шилжүүлээд байгаа аж. Хүүг бага байхад нь ээж, аав нь салсан бөгөөд аавынхаа асрамжинд өсжээ. Улмаар аавыгаа өөд болсноос хойш Д-ийн асрамжинд ийнхүү тамлагдаж байсан байна. Ээж нь хүүтэйгээ уулзахаар хэд хэдэн удаа Хөвсгөлд очсон ч Д уулзуулаагүй байна.

Ямартаа ч хүү эхийнхээ хамт өнөөдөр Улаанбаатарт ирэхээр болжээ.