Оросын зөн билигч Фатима Хадуева энэ өдрүүдэд Монголд зочилж байна. Тэрээр энэ сарын 25-ны өдрийг хүртэл манай оронд байх бөгөөд энэ хугацаанд өөртэй нь уулзахыг хүссэн иргэдтэй VIP уулзалт хийж, Бат-Сүмбэрийн хөгшүүдтэй уулзан тэдэнд сэтгэлийн дэм өгч, гарын бэлгээ бэлэглэх гэнэ.  Фатима Хадуева Монголын сайхан оронд ирсэндээ сэтгэл хангалуун байгаагаа илэрхийллээ. Тэрээр хэлэхдээ “Монголчууд их амгалан тайван, найрсаг зочломтгой улс юм. Ямар нэг шийдвэр, заавар хүлээсэн мэт их хүлцэнгүй ард түмэн юм. Монголын ард түмэн хэрэгтэй цагтаа хэрэгтэй газраа байгаа гэдгээ мэдэх ёстой. Юуны өмнө Монгол үндэстний хувцасыг өмсөхөд их таатай байна” гэв.

Фатима Хадуева нь Монголд ирэхдээ могой жилийн могой сарыг сонгосон нь учиртай аж. “Могой жил нь эрс шинэчлэлт өөрчлөлтийг авчирдаг. Тиймээс монголчуудын мөнгөний урсгалыг зөв цагт нь, зөв тодорхойлж чиглүүлж өгөх зорилготой ирсэн хэмээн тэрээр ярьж байлаа. Хамгийн гол нь тэрээр могой жилд Их Эзэн Чингис хааны нутаг болон зон олонтой танилцахыг хүссэн байна.

Түүний уулзалт Улаанбаатар ресторанд өнөөдөр 19.00 цагаас болно. Тиймээс зохион байгуулагчдын зүгээс иргэдийг энэхүү арга хэмжээнд оролцон түүнтэй хамт хооллож, энергиэс нь хуваалцах боломж олгож байгаа гэнэ. Орой болох уулзалтаар 200 хүний багтаамжтай танхимд лекц уншиж, нэг азтан шалгаруулж 15 минут ажил амьдралынх нь зураг төөргийг үзэж, зөвлөгөө өгүүлэх юм байна. Дашрамд дурдахад, VIP уулзалтад ирсэн хүн болгонд ОХУ-ын зөн билэгтэн шившлэгтэй чулуу бэлэглэх ажээ.

-    Монголд ирсэн сэтгэгдлээсээ хуваалцахгүй юу?

-    Маш таатай байна. 200 айл өрхөд хэрэгтэй зөвлөгөөг зөн билэгч хүний хувьд өгөхийг хүссэн. Би зөв цагтаа, зөв газраа ирсэн. Могой жилд, могой сард ирсэндээ баяртай байна. Энэ цагт олон зүйл зөв чиглэл рүү гээ орох боломжтой. Би лекцээрээ гэрлэн бүрхүүлээ хэрхэн хамгаалах вэ? сэдвээр ярина. Мөн буяны арга хэмжээ зохион байгуулж ахмад буурлуудыг баярлуулах гэж байгаадаа их ач холбогдол өгч байна.

-    Өөрийн зөн билгийн авъяасын талаар яриач. Хэзээнээс өөрийгөө зөн билигтэй гэдгээ мэдэрсэн бэ?

-  Хүн бүрт тодорхой хэмжээний зөн билгийн ур чадвар байдаг. Яг энэ мэдрэмжийг анх таван настайдаа мэдэрсэн. Маш удаан хугацаанд энэ авъяасаа хөгжүүлсэн. Эхний ээлжинд дурсамжуудыг сэргээж мэдлэг боловсролыг олсон. Үүнийгээ хөгжүүлэх тал дээр их анхаарал тавьсан.

-    Та “Монголчууд томоохон шийдвэрийг хүлээсэн байдалтай байна” гэж хэлсэн. Монголд томоохон өөрчлөлт гарах уу?

-    Бүх зүйлийг хэлж болдоггүй. Бүх шийдвэрийг тухайн улс орны ард түмний хамтын шийдвэр гаргадаг. Ард түмэн өөрчлөлтийг хүсдэггүй. Сайхан амьдралд дэмшихийг хүсдэггүй нь мэдрэгдэж байна. Эсхүл хуучинсагаар амьдрахыг хүсэж байна. 2013 он бол могой жил. Энэ жил, энэ сард эмнэлэгийн салбарт маш их дэвшилт гаргах хэрэгтэй. Бас урьд нь эмчлэгдэх боломжгүй байсан янз бүрийн өвчин энэ үед эмчлэгдэх аргыг олно. Мөн генетекийн олон, олон нээлтүүд хийгдэнэ. Дэвшилтэд технологиуд хийгдэнэ. Монгол улс газар зүйн хувьд маш их энергитэй орон. Бүх хүч, хөдөлмөрөө газрын баялагтаа зориулах хэрэгтэй. Ингэснээр Монголын эдийн засаг баталгаажина. Эдийн өсөлт их мэдрэгдэнэ.

-    Зөвхөн 200 хүнээр хязгаарлах бус түүнээс олон хүнд туслаж тэдэнтэй уулзах боломж байсангүй юу?

-    Монголд 2-3 хононо. Зургаан цагийн зөрүүтэй хотоос ирсэн. Шууд ирээд л амрах завгүй хэвлэлийн хурал хийж байна. Тэгэхээр цаг завыг нь бодож ингэж зохион байгуулсан. /Монгол дахь зохион байгуулагч нь/.

-    Та зөн билигээ ашиглаж хүнд туслах үедээ хэдий хэр хугацаа зарцуулдаг вэ?

-   Хурц, хүнд асуудалтай тулгарах бүрт сэтгэл зүй хүнд байдаг. Хүмүүс өрсөлдөж байгаа нөхцөлд зарцуулах энерги өндөр байдаг. Нэг даалгавар дээр нэг оролцогч 3-5 цаг зарцуулдаг.

-   Монголд Ерөнхийлөгчийн сонгууль болохыг мэдсэн байх. Та зөн билигээ ашиглаад сонгуульд ямар хүн түрүүлэхийг хэлж чадах уу?

-   Сонгуулийн үйл ажиллагаа болох гэж байгааг би мэдээгүй. Би ерөнхийлөгчөөр сонгогдох хүнийг харах гэж оролдож байна. Ерөнхийлөгч болох хүн маань эрх мэдлийн хажууд маш өндөр хариуцлагатай хүн байна. Галын энергитэй эрч хүчтэй хүн байна. Залуулаг сэтгэлгээтэй, чадалтай хүн юм.