Монгол Улсад мэдээлэл харилцаа холбооны салбар үүсч хөгжсөний 92 жилийн ой энэ онд тохиож байна. Тус салбарынхан жил бүрийн долдугаар сарын дөрөв дэх ням гаригт “Холбоочдын баяр”-ыг тэмдэглэсээр ирсэн. Тэгвэл энэ жилээс эхлэн тавдугаар сарын сүүлийн 7 хоногийн Баасан гаригийг “Холбоочдын баяр” болгон тэмдэглэж байхаар тогтсон билээ. Тэгвэл өнөөдрөөс эхлээд л холбоочдын баярын мэндийг твиттерчид маань хүргээд эхэлсэн байна.

Дашрамд сонирхуулахад Харилцаа холбооны салбар нь мэдээллийг дамжуулах, нэвтрүүлэх, хүлээн авах үндсэн чиг үүрэг, зорилготой. Энэ ч утгаараа 1228 онд Өгөөдэй хаан анхны морин өртөөг байгуулж байсан нь манай салбарын түүхийн хуудсыг нээсэн үйл явдал гэж үзэж болох ч салбар байгууллагын хэмжээнд албан ёсоор тэмдэглэн бүртгэгдсэн цаг хугацааг 1921 оноос эхлэн бичиглэдэг.

1920 онд анхны бага оврын радио станц байгуулагдсан, 1913-1916 онуудад Их Хїрээнд нийт 60 хэрэглэгчийн багтаамжтай гар ажиллагаатай телефон станц ашиглалтад орсон, 1916 онд 13 бїлэг, 93 зїйл бїхий Цахилгаан мэдээний дїрмийг баталсан, 1898-1899 онуудад Их Хїрээ болон Хиагт, Их Хїрээ болон Чуулалт хаалганы хооронд телеграфын шугам тавьж, цахилгаан мэдээний газрыг тус тус байгуулж байсан ажээ.

Харин 1921 онд Шуудан, цахилгаан холбооны ерєнхий газар үүд хаалгаа нээж гал голомтоо бадрааснаар Монгол Улсад орчин цагийн мэдээлэл, харилцаа холбооны салбарын эхлэл тавигдсан гэж үздэг юм байна.