Эх хүүхдийн эрүүл мэндийн үндэсний төв өнөөдөр "Хэвлэл мэдээллийн нээлттэй хаалга"-ны өдөр зарлалаа. Хэвлэл мэдээллийн байгууллага, сэтгүүлчдэд тус төвийн зүгээс баярлалаа хэмээн талархал илэрхийлсэн юм. Учир нь 2011 онд уг төвийн эзэмшлийн газрыг нэгэн компани хууль бусаар авч дээр нь барилга барихыг санаархсан. Тухайн компанид газраа алдахгүйн тулд эмч, эмнэлгийн ажилчид Олон улсын хүүхдийн эрхийг хамгаалах өдрөөр Түр хороо хүртэл байгуулж тэмцэж, холбогдох газруудад нь хандаж байсан. Энэ асуудалд Монголын хэвлэл мэдээллийнхэн, радио, сонин, телевизийнхэн ихээхэн анхаарал хандуулж, газар дээрээс нь сурвалжилж, асуудал хөндсөн олон мэдээ нийтлэл бчисэн нь үр дүнд хүрсэн. Тийм учраас хүүхдийн баярын өмнө нийт хэвлэл мэдээллийнхэнд талархал илэрхийлж, баярлалаа хэмээн хэллээ.