“Форбс” сэтгүүлийн хамгийн секси 10 залуугийн жагсаалтыг тэргүүлсэн боловч бодит амьдрал дээр Кристен Стьюартад хаягдсан эр бол Роберт Паттинсон. “Бүрэнхий” кинонд тоглож олон залуу бүсгүйг хашгичуулж, од болсон тэрбээр дэлхийн хамгийн залуу баячуудын нэгт зүй ёсоор ордог. Түүнтэй алдартай жүжигчин байхын тухай мөн эмэгтэй хүний талаарх бодлыг нь хөндөж ярилцлаа.

-Роберт чи хэрвээ жүжигчин болоогүй бол өөр ямар нэг од болох байсан байх аа?

-Тийм ээ, би рок од болох байсан. Даанч надаас өмнө эгч маань дуучин болчихсон болохоор аав маань намайг жүжигчин болохыг зөвлөсөн. Миний сургуулийн төгсөлт “Көүрс оф де Ринг”/Curse of the Ring/-ийн зураг авалттай давхацсан ч гэлээ би шалгалтаа амжилттай өгсөн. Тэр үед аав намайг сургуулиа орхиод шууд жүжигчин бол гээд байсан юм. Аав минь хүн өөрийнхөө мөрөөдлийг заавал биелүүлэх ёстой гэж үздэг хүн. Насаараа машин зарж амьдарсан ч гэлээ сүүлийн хэдэн жил дуу зохиох болсон.

-Тэгвэл жүжигчний мэргэжлээс юу нь чамд таалагддаггүй вэ?

-Би нүүр будалтыг тэвчиж чаддаггүй. Будаг урсчих гээд хөлөрч болохгүй, биеэ барьчихаар юу ч мэдэрч чаддаггүй. Ийм болчихоор яаж дүрдээ төвлөрөх билээ. Түүнээс гадна линзтэй тоглодог хүмүүсийг ойлгодоггүй юм.

-Жүжигчид тоглож буй дүрдээ орох гэж хүнд хэцүү зүйл олон л хийдэг. Чиний хувьд хамгийн эрсдэлтэй зүйл юу байсан бэ?

-Би “Харри Поттер”-т тоглохдоо усан доор зураг авалт хийлгэсэн. Түүнийг би гурван долоо хоногийн өмнөөс л шумбах дасгал хийж бэлдсэн. Нэг минут орчим усан доор байх үед эхэндээ их балмагддаг. Харин сурчихсан хойно өөрийгөө үнэлэх үнэлэмж нэмэгддэг.

-Чи “Харри Поттер”-ыг шүтэн биширч байсан уу?

-Үгүй ээ, би шалгаруулалтаас өмнө ганц ч номыг нь уншиж байгаагүй.

-Тэгвэл охидыг хуйлруулж, шүтээн нь болно гэж бодоогүй байх нь ээ?

-Огтхон ч тийм зүйл бодогдоогүй шүү.

-Жүжигчин байх, тэр тусмаа нэр алдартай байх хэцүү юу?

-Кино зураг авалтын үеэр чиний нэр алдартай эсэх огтхон ч хамааралгүй. Өдөр бүр нэг л зүйлээ хийнэ. Өглөө таван цагт босч ажиллаж ажиллачихаад орой нь ядарч туйлдчихсан унтахаар явна. Нэр алдартай байхын давуу тал гэвэл би дэлхийн шилдэг зочид буудлуудын хамгийн сайхан угаалгын өрөөнүүдийг харж байсан нь л юм даа. Харин хэцүү зүйл нь хүмүүс намайг ажиглаж, үргэлж шүүмлэхийг оролддогт байгаа байх.

-“Бүрэнхий” чиний амьдралыг хэр өөрчилсөн бэ?

-Надад өөрийнхөө амьдралыг ямар байгааг дүгнэж ойлгох сөхөө гараагүй. Охид бүсгүйчүүд намайг хармагцаа чарлацгаахыг харах их сонин шүү. Хэсэг хугацааны дараа энэ бүхэн намайг залхааж эхлэх байх. Магадгүй 32 нас хүрэхэд тийм болох байх шүү.

-Эмэгтэйчүүд яагаад чамайг секси гэж үздэг гэж бодож байна?

-Намайг бага ярьдаг болохоор тэр байх. Бага ярих нь хүнийг сэтгэл татам болгодог шүү дээ.

-Секс-симбол байх хэцүү байх даа?

-Тийм ч таатай биш, ер нь сонин л доо. Тэгсэн хэрнээ жаахан robert-pattinson-зугаатай. Хэдхэн жилийн өмнө надтай болзоонд явах хүн олддоггүй байлаа шүү дээ.

-Чи хэр романтик вэ?

-Надад таалагддаг хүмүүстэй бол романтик байж чадна шүү. Би дурлах дуртай, бас их мэдрэмтгий. Гэхдээ хэт их биш л дээ.

-Анх хэдэн настайдаа дурлаж байсан бэ?

-14 настайдаа. Урьд нь ярьж үзээгүй нэг охинд дурлачихаад сэтгэлээ илчилсэн л дээ. Тэр үнэхээр гайхаад “Роберт, чи надтай гуравхан удаа л ярьж байсан. Тэр болгондоо надад муухай юм хэлдэг байсан биз дээ?” гэсэн. Тэрнээс болоод л би жүжигчин болохоор шийдсэн. /инээв/

-Чамд эмэгтэй хүний юу нь таалагддаггүй вэ?

-Өөрийнхөө мөн чанарыг алддаггүй хүмүүсийг би хүндэлдэг. Хамтрагчдаа уусна гэдэг үхлийн үнсэлт л гэсэн үг.

-Тэгвэл эмэгтэй хүнийг ямар байгаасай гэж хүсдэг вэ?

-Надад таалагддаг хүмүүс үргэлж намайг балмагдуулдаг.  Учир нь тэд бүгд өөр өөр байдаг. Гэхдээ надад бол жаахан галзуу, авьяастай, хошин шогийн мэдрэмжтэй охид ихэвчлэн таалагддаг. Миний зүгээс тавьдаг үндсэн шаардлагууд эд нар л байх. Нээрээ их орилдог бүсгүйчүүдэд би дургүй. Орилдоггүй бас нохойнд дуртай байхад л хангалттай.

-Гэрлэлтийн тухай юу гэж боддог вэ?

-“Надтай гэрлээч” гэдэг үг бол бүсгүй хүнтэй танилцаж, сонирхлыг нь татах дажгүй арга. Ер нь би гэрлэлтийг сайхан зүйл гэж боддог. Сүүлийн үед би их хуучинсаг болоод байгаа шүү.

-Тэгвэл заяаны ханиа хайж байгаа байх нь?

-Тийм хүн байгаа гэдэгт итгэхийг хүсч байна. Гэхдээ залуу байхдаа учирвал жаахан аймшигтай байна аа. Яагаад гэвэл харьцаагаа үгүй хийх магадлал өндөр байдаг.