Нийслэлийн хүүхэд гэр бүл хөгжлийн газраас хүүхдэд зориулсан үйлчилгээ үзүүлэх аж ахуйн нэгжүүдэд дараах шаардлагуудыг тавьж байна.
Үүнд:
-Хүүхдийн эрх, оролцоонд тулгуурласан байх,
-Үйл ажиллагааг гэр бүлийн гишүүдийн оролцоог тэгш хангасан хэлбэрээр зохион байгуулах,
-Гэр бүлд хүүхдийг хөгжүүлэх арга зүйг түгээх, хөгжөөнт үйл ажиллагааг тэдний тэдний эрүүл мэнд,
-Осол аюулгүй байдлыг мэргэжлийн түвшинд хангасан байхуйц тоглоом, наадгайгаар үйлчлэн явуулах,
-Байгаль орчинд ээлтэй үйл ажиллагааг зохион байгуулж, хүүхдэд журамт үүргийг нь таниулан сурталчилсан байх ёстой аж.

Харин аж ахуйн нэгж, иргэдэд доорх зөвлөгөөг хүргүүлж байна.
- Хүүхдийн бэлгэ сонгохдоо оюун ухаан хөгжүүлэх ном, сонин сэтгүүл, тоглоом, байгалийн гаралтай, хүүхдийн эрүүл мэнд, өсөлт, хөгжилтөнд хор нөлөөгүй эко бүтээгдэхүүн байхыг эрхэмлэх
- Баярын үйл ажиллагаа болох газруудад барааны төвлөрсөн худалдаа явуулахыг хориглох тул гар дээрээс худалдаа эрхлэгчид үйлчилгээ явуулахгүй болохыг анхааруулья.
- Хүүхдийн эрүүл мэнд, аюулгүй байдалд хортой бараа бүтээгдэхүүн зарахыг бүрэн хориглоно. /Зөвхөн мэргэжлийн байгууллагын дүгнэлттэй эко бүтээгдэхүүнийг зөвшөөрнө/.
- Уг өдөр цэвэр, хоггүй орчинд, хүүхдийн эрхийг дээдлэн, архи, тамхи хэрэглэхгүй байх ёстой юм байна.