Монголын фэйсбүүкчдийн нэрэмжит цэцэрлэгийг 3-р хороололын "Москва" их дэлгүүрийн ард байгуулахаар болсон билээ. Өнөөдөр энэ цэцэрлэгт хүрээлэнд фэйсбүүкчид мод тарьж байна.

Уг арга хэмжээнд Япон, Орос, Афганистан, Чех, Вьетнам, Польш, Якут, Хятад болон Өвөрмонгол Шинжаан Уйгарын Монголчуудын Фэйсбүүк хэрэглэгчдийн төлөөлөлүүд улсаа төлөөлөн оролцож байгаа юм. Энэ төслийг "Улаанбаатар хотын нутгийн зөвлөл" ТББ, Фэйсбүүкийн сүүлчийн пионерүүд бүлэг, Оюутан залуусын экологийн "Миний клуб", "Ногоон хөгжлийг бүтээгч залуусын клуб", "World garden in Mongolia" ТББ, "Цогц шийдэл-залуусын оролцоо" ТББ хамтран хэрэгжүүлж байна.