МХЕГ-ын ХМХГ, Буянт-Ухаа боомт дахь ХМХА, Нийслэлийн Мэргэжлийн Хяналтын Газрын ЭИХХ хамтран химийн бодис импортлогч аж ахуйн нэгж, байгууллагуудад зориулсан  “Химийн хорт болон аюултай бодис импортлоход тавигдах шаардлага” сэдэвт салбарын сургалтыг Нийслэлийн мэргэжлийн хяналтын газрын“Сургалтын танхим”-д зохион байгууллаа. Сургалтанд 28 аж ахуйн нэгж, байгууллагын 38 ажилтан,албан хаагчид, удирдах албан тушаалтан оролцлоо.

    Сургалтаар химийн хорт болон аюултай бодис импортлоход гарч байгаа нийтлэг зөрчил дутагдал, тэдгээрийг арилгах арга зам, химийн хорт болон аюултай бодисын талаарах олон улсын гэрээ, конвенци, монгол улсын хууль тогтоомж, стандартын зорицуулалт, удаан задардаг органик бохирдуулагчид, тэдгээрийн хүний эрүүл мэндэд үзүүлэх нөлөөлөл, химийн хорт болон аюултай бодисын хаяг шошго, хор аюулын лавлах мэдээлэл, химийн хорт болон аюултай бодистой харьцан ажиллах үеийн хөдөлмөрийн аюулгүй ажиллагаа, нэг бүрийн хамгаалах хэрэгсэлийн талаар илтгэлүүд тавьж, хэлэлцүүлэг хийж, сэтгүүл, зөвлөмж, гарын авлагаар хангалаа.

    Мөн Актлабс-ЭйшиаХХК нь сургалтанд хамрагдсан аж ахуйн нэгж байгууллагуудад нэг бүрийн, тусгай, амьсгалын замын хамгаалах хэрэгслүүд, хөдөлмөр хамгаалалын хувцас хэрэгсэл зэрэг 20 гаруй төрлийн хөдөлмөрийн аюулгүй ажиллагааны хувцас, хэрэгслүүдийг бодитоор нь үзүүлж, тайлбар өглөө.