Нийслэлийн ерөнхий боловсролын сургууль, цэцэрлэгийн сургалтын чанар хүртээмжийн үр дүнг индексээр хэмжиж урамшуулдаг тогтолцоог бүрдүүлэх зорилгоор Нийслэлийн Засаг захирамж гаргаж Нийслэлийн ерөнхий боловсролын сургууль,  цэцэрлэгийн сургалтын чанар хүртээмжийн үр дүнг индексээр дүгнэх  журам баталсан юм. Энэхүү журмын дагуу төрийн өмчит ерөнхий боловсролын сургуулийн 11 ба 12 жилийн 5-р ангийнханы дунд стандарт хэрэгжилтийн чанарын шалгалт-ыг зохион байгуулжээ.  Энэхүү шалгалтад 145 бүлэг өөрийн хүсэлтээр орсон бөгөөд нийтдээ 5-р ангийн 4760 сурагчид хамрагдаж Монгол хэл, математикийн шалгалтыг өгсөн байна. Шалгалтын дүнг гаргахдаа хичээлийн гүйцэтгэлийн хувийн үзүүлэлтээр эрэмбэлж эхний бүлгүүдийг шалгаруулжээ. Шалгаруулалтад оролцсон хүүхдүүдийн шалгалтын гүйцэтгэлийг үндэслэн багш нарын оноог дүгнэсэн  бөгөөд хамгийн өндөр оноо буюу 80-аас дээш үзүүлэлттэй багшид  5 сая төгрөг, 75-80 хувийн үзүүлэлттэй багшид 3  сая төгрөг, 70-75 хувийн үзүүлэлттэй багшид 2 сая 66-70 хувийн үзүүлэлттэй багшид 1 сая төгрөгийн мөнгөн шагналаар урамшуулахаар уралдааны удирдамж гарсан байна. Энэ дагуу нийтдээ шалгалтанд орсон 5 дугаар ангийн багш нараас 50 багшийг шалгаруулан нийтдээ нэг зуун сая төгрөгийн урамшуулал олгохоор боллоо. Энэхүү урамшуулал нь анх удаа бага ангийн багш нарт өгч байгаа хамгийн өндөр мөнгөн урамшуулал гэдгийг нийслэлийн Боловсролын газраас онцоллоо.