ШШГЕГ-ын харъяа 415 ангиас санал тавьсаны дагуу ХӨСҮТ-ийн эмч нар үзлэг хийжээ. Мэргэжлийн эмч нарын баг халдварт, сүрьеэ, ЭХО, ДОХ/БЗДХ -ын үзлэг, шинжилгээ хийсэн байна. Мөн тус ангийн ажилтан ажиллагсад болон ялтануудад халдварт өвчнөөс сэргийлэх талаар тус бүрт нь  хоёр цагийн хичээл сургалт явууллаа. Уг сургалтын үеэр 100 гаруй хүн үзэж, зөвлөгөө өгөн, 200 гаруй хүнд ЭХО, цэр, цусны  шинжилгээ хийж тусламж үйлчилгээ үзүүлсэн байна.

  Өнгөрсөн 7 хоногт халдварт өвчний хамшинж, сэжигтэй нийт 337 тохиолдол мэдээлэгдснийг өмнөх оны мөн үетэй харьцуулахад 222 тохиолдлоор нэмэгдсэн байна. Цочмог халууралт, тууралттай хамшинж 22, цочмог халууралт, цэврүүт тууралттай хамшинж 230, цочмог шарлалттай хамшинж 38, цочмог усархаг суулгалтын хамшинж 4, цочмог цусархаг суулгалтын хамшинж 41, эмнэлгээс шалтгаалах халдварын сэжигтэй 1 тохиолдол илэрчээ..

   Сүрьеэгийн тандалт судалгааны албанд 120 хүн хандаж үйлчлүүлсээс шинэ сүрьеэгийн 10 тохиолдол илэрч, хяналт, эмчилгээнд орсон гэж ХӨСҮТ-өөс мэдээллээ.