Нийслэлийн Засаг даргын Экологи ногоон хөгжлийн асуудал хариуцсан орлогч Т.Бат-Эрдэнэ тэргүүтэй төлөөлөгчид аж үйлдвэрийн паркын цэвэрлэх байгууламж, дэвшилтэт технологи судлах, үртсэн шахмал түлшний үйлдвэртэй танилцах, туршлага судлах зорилгоор энэ сарын 01-нээс 8-ны өдрүүдэд Бүгд Найрамдах Итали, Чех, Польш улсуудад айлчиллаа. Айлчлалын бүрэлдэхүүнд Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ, Үйлдвэр хөдөө аж ахуйн газрын дарга Г.Пүрэвсүрэн, Эдийн засгийн хөгжлийн газрын дарга Э.Тэмүүлин, Тамгын газрын Стратегийн бодлого төлөвлөлтийн хэлтсийн мэргэжилтэн Д.Анхбат нар багтсан бөгөөд төлөөлөгчдөд холбогдох 2 166 /Хоёр мянга нэг зуун жаран зургаан/ ам.доллар, 14 996 960 /Арван дөрвөн сая есөн зуун ерэн зургаан мянга есөн зуун жаран/ төгрөгийг нийслэлийн Засаг даргын Тамгын газрын гадаад арга хэмжээний зардлаас гаргасан байна.