Эрүүл мэндийн яам Авлигатай тэмцэх газартай хамтран Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн хүрээнд өнөөдөр эрүүл мэндийн байгууллагынудирдлагуудад сургалт зохион байгууллаа.

Сургалтыг ЭМЯ-ны Төрийн нарийн бичгийн дарга Ж.Хатанбаатар нээж, АТГ-ын Урьдчилан сэргийлэх, соён гэгээрүүлэх хэлтсийн ахлах мэргэжилтэн, ахлах комиссар Д.Мөнхжаргал удирдан явуулсан юм. Сургалтаар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг нарийвчлан танилцуулж, цаашид дагаж мөрдөж ажиллах хэрэгтэй талаар ярив.

ЭМЯ-ны Авлигатай тэмцэх сарын ажлын хүрээнд зохион байгуулагдсан тус сургалтад ЭМЯ-ны харъяа байгууллагууд, Нийслэлийн эрүүл мэндийн газрын харъяа байгууллагуудын дарга, ерөнхий эмч нар зэрэг 32 хүн оролцлоо.