Автотээврийн хэрэгслийн албан татвар, агаарын бохирдлын төлбөр хураах ажлын II үе шат болох хяналтын үзлэг шалгалтын ажил энэ сарын 27-ныг хүртэл үргэлжилнэ. Тиймээс  татвараа төлөөгүй буюу гурвалжин наалтгүй жолооч нарыг замын хөдөлгөөнд оролцуулахгүй байгаа аж. Ажлын хэсэг тухайн иргэдийн бичиг баримтыг хураан авч захиргааны хариуцлагын хуульд заасны дагуу торгох гэнэ. Тухайн иргэн татвараа төлсөн тохиолдолд бичиг баримтыг нь буцаан олгохоор болжээ.

Хэрэв татвараа төлөөгүйн улмаас бичиг баримтаа хураалгасан бол дүүрэг бүрийн татварын байцаагч нар нэг дор ажиллаж байгаа нэг цэгийн үйлчилгээн дээр очиж үйлчлүүлэх боломжтой аж. Уг нэг цэгийн үйлчилгээ нь "Дүнжингарав" худалдааны төвд байрлаж байгаа гэнэ.