Улсын хэмжээнд олон нийтийн Авлигын эсрэг соён гэгээрүүлэх зорилготой АТГ-ын Урьдчилан сэргийлэх, соён гэгээрүүлэх  хэлтэс нь Авлигаас урьдчилсан сэргийлэх арга хэмжээг зохион байгуулж, төрийн байгууллагуудад арга зүйн зөвлөгөө  өгөх гэх мэт үйл ажиллагаа явуулдаг аж. Тэгвэл тэд энэ жилийн хувьд  орон нутагруу хандсан үйл ажиллагааг түлхүү явуулжээ.  Тодруулбал, хэлбэл нэгдүгээр сарын 3-наас өнөөдрийг хүртэл нийт 20 аймагт үйл ажиллагаа явуулаад дуусчээ. Авлигын эсрэг хууль болон нийтийн албанд нийтийн болон хувийн ашиг сонирхолыг зөрчсөн тохиолдлоос урьдчилан сэргийлэх , мөн мэдээллийн ил тод байдлаар мэдээлэл авах эрхийн тухай хуулиуд орон нутагт хэрэгжиж байна уу гэдгийг нягталж шалгаад иржээ. Тэгвэл орон нутагт эдгээр хуулийн хэрэгжилт сайн байгаагүй, иргэд маш их бухимдалтай, санал гомдолтой байсан талаар АТГ-ын Урьдчилан сэргийлэх, соён гэгээрүүлэх хэлтсийн дарга Б.Бат-Отгон хэллээ.  Үүнийг шалтгаан нь мэдээлэл хаалттай, ил тод бус байгаагаас шалтгаалж буй аж. Үүний дагуу нийт ажилласан 20 аймагтаа тэд  зөвлөмжүүдийг хүргүүлжээ. Өөрөөр хэлбэл, худалдан авалт, хөрөнгө оруулалт, төрийн албаны томилгоо зэрэг асуудлаа ил тод болгох тал дээр зөвлөмж хүргүүлжээ. Мөн аймгуудад нийгмийн халамж, тэтгэмж зэрэг нь эзнээ олж хүрэхгүй байгааг ажлын явцад илрүүлсэн байна. Зөвлөмжийн хариуг аймаг тус бүр ирэх сарын 10 гэхэд биелэлтээр гаргаж өгөхийг үүрэгджээ.

Түүнчлэн энэ онд тус хэлтсээс төрийн байгууллагуудад хандаад авлигын эсрэг үйл ажиллагааг дүгнэх аргачлалыг шинэчлэн боловсруулж хүргүүлсэн байна. Энэ 20 аймагт ажиллаж байх явцад иргэд хамгийн их бухимдалтай байгаа, ил тод биш аймгуудаар Баян-Өлгий, Хөвсгөл, Булган аймгууд байсан аж. Тиймээс эдгээр аймгуудын зөрчлийг арилгуулах тал дээр арга хэмжээ авахаар ажиллаж байгаа аж. Тодруулбал, орон нутгийн давсан орлогоос хавтгайрсан нийгмийн халамж, тэтгэмж өгч байгаа явдлууд гарч байгаа аж.