Өнөөдөр 2013 оны Ерөнхийлөгчийн сонгуульд саналаа өгсөн иргэдэд СЕХ-ноос 1000 нэгж өгөн урамшуулж байгаа. Энэ нь залуучуудыг идэвхитэй оролцуулах нэг арга ч шаардлагагүй зүйлд төсвийн мөнгө үрж байна гэх шүүмжлэл дагуулаад байна. Тэгвэл 24tsag.mn энэхүү урамшууллын нэгжээ тархины хорт хавдар тусч, эмчилгээний мөнгө цуглуулж байгаа Б.Танан охинд хандивлахыг уриалж байна.

  Б.Танан 4 настай бөгөөд Солонгос улсад эмчилгээ хийлгэх 180 сая төгрөг шаардлагатай байгаа юм. Саналаа өгч эрхээ эдэлснийхээ хариуд үнэгүй авч байгаа 1000 нэгжээ энэ охины хандивын дугаарт мессеж бичиж хандивлаж буян болохыг уриалж байна. Хандивын 150650 гэсэн дугаарт мессеж бичихэд 495 төгрөгийн нэгж унах тул та хоёр удаа мсж явуулах боломжтой юм. Нийслэлийн хэмжээнд л гэхэд 800 гаруй мянган сонгогч саналаа өгөх тоо гарсан. Хэрэв сонгогч бүр Б.Танан охины дугаарт нэг мессеж бичвэл 396 сая төгрөг цуглах юм. 150650 дугаараас үүрэн телефоны операторууд ямар нэгэн шимтгэл авахгүй бөгөөд Б.Танан охины дансанд шууд 459 төгрөг орох болно.

   Одоогоор энэ аянд Фэйсбүүкийн "Хамтын халуун сэтгэл" групп болон твиттер хуудаст нэгдсэн олон залуус оролцон мессеж илгээж байна.