НҮБ-ын Хүн амын сан, Монголын оюутны холбоо хамтран дэлхийн хүн амын өдөрт зориулж мэдээлэл хийлээ. Дэлхийн хүн амын өдөр энэ сарын 11-нд тохиох юм. Энэ жил хүн амын өдрийг "Өсвөр насны охидыг хүсээгүй жирэмслэлтээс хамгаалах нь" сэдвийн хүрээнд өнгөрүүлэх аж. Мөн тус өдөр Эрүүл мэндийн яам, Хүн ам нийгмийн хамгаалал хөгжлийн яам, НҮБ-ын хүн амын сан, Эрүүл мэндийн газрууд хамтран  хүсээгүй жирэмслэлтээс өсвөр насны охидыг хамгаалах сэдвийн хүрээнд ухуулга сурталчилгааны ажил хийх юм байна. Түүнчлэн гэр бүл төлөвлөлт, өсвөр насны хүүхдүүдийн эрүүл мэндийн боловсрол, эрүүл мэнд нөхөн үржихүй, хүмжүүжлийн тухай ойлголтуудыг хүүхдүүдэд ухуулан сурталчилах зорилгоор НҮБ-ын хүн амын сантай хамтран "Нөлөөллөөс дээгүүр" төсөл хэрэгжүүлэхээр болжээ. Өнөөдөр дэлхий дээр 16 сая өсвөр насны охид төрж байгаагаас маш цөөхөн нь гэр бүлээ төлөвлөсөн байдаг байна. Тиймээс охидыг бага боловсруулд хамруулах, цогц бэлгийн боловсрол олгох, зөв мэдээллийг өгөхийн тулд хүүхэд бүрт хүрч ажиллахын төлөө нэгдэн ажиллахыг НҮБ-ын хүн амын сангаас уриалсан юм. Мөн эцэг эх охидоо хамгаалах, тэдэнд бэлгийн боловсролын талаар зөв мэдлэг олгож байхыг санууллаа.