Хэдхэн хоромын өмнө хурдан хязаалангууд барианд орлоо. АХ-ын 92 ойн анхны уралдааныг Булган аймгийн Гурванбулаг сумын уугуул  Монгол Улсын Алдарт уяач Дамбын Хишигжаргалын шарга түрүүллээ. Харин аман хүзүүнд Дундговь аймгийн Хулд сумын уугуул  аймгийн Алдарт уяач Ч.Дэмчигцоодолын Тэргүүн хонгор, айргийн гуравт  Говь-Алтай аймгийн Шарга сумын Т.Зулзүсэмийн сартай хонгор, айргийн дөрөвт Увс аймгийн Зүүнговь сумын уугуул Ц.Баярхүүгийн цавьдар, айргийн тавд  Төв аймгийн Сэргэлэн сумын уугуул, аймгийн Алдарт уяач Б.Сүхбаатарын Дүү хээр хязаалан тус тус хурдаллаа. Хурдан хязааланд 303 хязаалан тоосоо өргөлөө.