Хэдхэн мөчийн өмнө азарганууд барианд орлоо. Хурдан хүлгүүдийн магнайд Өмнөговь аймгийн Цогтцэций сумын уугуул Монгол улсын Манлай уяач, БХ-ын сайд Д.Бат-Эрдэнийн “Улс” халзан хурдалж, уясан эзэн, унасан хүүхэд наадамчин олноо цэнгүүллээ. Харин аман хүзүүнд Төв аймгийн Бүрэн сумын уугуул Хүрэлбаатарын Улам-Өрнөхийн хар азарга, айргийн гуравт Говьсүмбэр аймгийн Баянтал сумын уугуул аймгийн Алдарт уяач Элхээгийн Бямбасүрэнгийн хүрэн азарга, айргийн дөрөвт Архангай аймгийн Ихтамир сумын уугуул Ганзоригийн Тэмүүлэнгийн зээрд азарга, айргийн тавд Өвөрхангай аймгийн Бүрд сумын уугуул Сугарын хул азарга тус тус хурдалжээ. Сонирхуулахад айргийн дөрөвт давхисан Ганзоригийн Тэмүүлэнгийн зээрд азарга нь ГОK-ийн захирал асан Ч.Ганзоригийн хүү юм. Өчигдөр УИХ-ын дэд дарга М.Энхболдын хүү Э.Анарын шүдлэн түрүүлсэн билээ.