Хэнтий аймгийн Засаг дарга Ж.Оюунбаатар өчигдөр сэтгүүлчидтэй уулзаж Хэнтий аймгийн төв Өндөрхааныг Чингис хот болгох саналтэй байгаагаа дуулгалаа. Хэнтий аймгийн ИТХ-ын тэргүүлэгчид одоогийн аймгийн төв болох Өндөрхаан хотыг Чингис хот болгох нь зөв гэж үзэж байгаа аж. 

Тэрээр мөн "Их хааны алдраар нэрлэсэн нэгэн хот Монгол Улсад байх нь зүйд нийцнэ. Тэр дундаа Хэнтий аймаг бол Чингис хааны өлгий нутаг учраас Хэнтий аймгийн төвийн Чингис хот болгох тухай аймгийн иргэдийн дунд санал асуулга явуулахаар болсон" гэсэн юм. Ер төрт ёс, түүхэн уламжлалт зан заншлаа дэлхийн соёлын өвд өөрийн нэрээр мөнхлөхийн төлөө улам өрсөлдөх болсон өнөө цагт энэ нь цагаа олсон чухал алхам гэж үзэж буй аж.