Гурван жил тутамд зохион байгуулж, шигшмэл хурдынхаа ид хавыг үздэг “Их хурд-6” наадам өчигдөр Хархорин суманд эхэлсэн. Өчигдөр азарга, их насны морьд уралдаж бөх барилдсан бол өнөөдөр УИХ-ын гишүүн Г.Батхүү “Тод манлай уяач” болсны мялаалгын наадмаа хийж байна. Түүний цолны мялаалгын наадамд гурван насны морьд уралдаж, бөхийн барилдаан болж байна. Мөн гишүүний баярт “Шунхлай” групп, “АПУ” компанийн бөх, улсын заан Т.Санчир барилдаж байна.