Улаанбаатар хотод ирэх гадаадын жуулчдын тоог нэмэгдүүлэх, тусгай сонирхлын аялал жуулчлалыг хөгжүүлэх, нийтийн биеийн тамир спортыг ард иргэдэд сурталчлах  зорилготой “Тал нутгийн марафон-2013” гүйлтийн тэмцээн өнөөдөр Налайх дүүргийн Цонжин Болдогийн Мандал жуулчны бааз-т болж байна. 17 дахь жилдээ зохион байгуулагдаж буй энэхүү тэмцээнд марафон гүйлтээр хичээллэдэг гадаад, дотоодын тамирчдаас эхлээд жирийн иргэд оролцож байна.. “Тал нутгийн марафон-2013” гүйлтийн тэмцээнийг  дараахи ангиллаар зохион байгуулж байна.

Үүнд:  ·  15 нас хүртэлх охид, хөвгүүд:  1500м
            ·  50-60 хүртэлх  нас эм, эр: 5000м
            ·  50 хүртэлх эм, эр 5000м
            ·  60 наснаас дээш  эм, эр: 3000м
            ·  Насанд хүрэгчид эм, эр: 10 км
            ·  Хагас марафон гүйлт эм, эр: 21 км байна.

Тэмцээнийг нийслэлийн Аялал жуулчлалын газар, нийслэлийн Биеийн тамир спортын газар, Налайх дүүргийн Засаг даргын Тамгын газар, Япон улсын Элчин сайдын яам, Монголын марафон гүйлтийн холбооноос хамтран зохион байгуулж байгаа аж.