Сүүлийн жилүүдэд манай улсад ургамлын тоосны харшил түүний дотор шарилж, луулийн тоосноос үүдэлтэй өвчлөл ихсэж үүгээр өвчлөгсдийн 80 гаруй хувийг Улаанбаатар хотын иргэд эзэлж байна гэсэн судалгаа гарчээ. Тиймээс Нийслэлийн Засаг дарга Э.Бат-Үүл Улаанбаатарт ургаж байгаа навчит төрлийн мод болон  өвс ургамлын харшил үзүүлэх тоосжилт, үрлэлтийг хязгаарлах ажлыг зохион байгуулах ажлын хэсэг байгуулжээ. Мөн  ургамал ургалтын хугацаанд авах арга хэмжээний ажлын төлөвлөгөөг батлах талаар захирамж гаргасан юм. Тэрээр цаашид харшил өгч болзошгүй ургамлын үрлэлт, тоосжилтыг бууруулах талаар шаардлагатай ажлуудыг зохион байгуулж ажиллахыг холбогдох албаныханд үүрэг болгосон байна.  Энэ ажлыг хэрэгжүүлэхэд шаардлагатай хөрөнгийг Засаг даргын нөөц сангаас санхүүжүүлж байгаа аж.